Misterio en Chans

Fai clic aquí e ... verás.

Os de 4º na Fundación Laxeiro

Obradoiros

O mércores 14 de novembro participamos un obradoiro sobre Herbas aromáticas impartido por unha monitora do Concello.

Ali tivemos ocasión de ulir e tocar distintas plantas aromáticas, aprendemos os seus nomes, as súas propiedades e as súas utilidades. Para rematar fixemos as nosas propias bolsiñas de herbas aromáticas que mantiveron o noso peto cun agradable olor.

Foi divertido e pasámolo moi ben!

O venres 23 de novembro tivemos no cole unha sesión dedicada a un Obradoiro de atención e relaxación impartido grazas a Fundación DEVI.
Nela asistimos á animación dun fermoso conto titulado O guerreiro do silencio. Despois tivemos unha sesión de relaxación que nos serviu para quedar moi tranquilos e comezar as clases doutro xeito.
Gustounos moito!

Entrenando co Clube AMFIV

Como se ven facendo nos cursos anteriores, os alumnos/as de 4º fomos ao Pavillón do Carme nas Travesas, o día 18 de abril, para vivir a experiencia do baloncesto en cadeira de rodas.

É un deporte minoritario onde o Clube AMFIV (Asociación de Minusválidos Físicos de Vigo) con moito traballo e sacrificio lograron, fai anos, facer un equipo que está na élite do baloncesto en cadeira de rodas, a nivel nacional e internacional.

Nesta sesión poidemos comprobar na realidade o difícil que é este deporte e,  ao mesmo tempo, o espectacular que pode chegar a ser nos partidos oficiais. Aprendemos as regras particulares que ten este deporte, interesámonos por distintos aspectos do xogo e decatámonos de que aínda que se teña unha deficiencia física, sempre haberá algún deporte que poidamos practicar.

Os de terceiro na Biblioteca Neira Vilas

O pasado 24 de xaneiro os alumnos/as de terceiro fomos de visita á Biblioteca Neira Vilas. Alí vimos un montón de libros, de aventuras, de historia, contos infantís …

Ademais coñecemos a unha profe moi guay que se chama Noelia e nos levou á época de Cristovo Colón!

Pasámolo fenomenal e todos nos fixemos socios da Biblioteca, porque volveremos!

Día da Paz 2012

O vindeiro luns, 30 de xaneiro, celebramos o DÍA DA PAZ. Nesta mesma data tódolos anos nos colexios facemos  distintas actividades e algún acto simbólico conxunto pola Paz.

 Esta data coincide co asasinato do líder indio Mahatma Gandhi o 30 de xaneiro de 1948. Gandhi defendía a loita sen violencia contra a inxustiza, converténdose nun símbolo da paz para o resto do mundo. Seguindo o seu exemplo da “non violencia” non deberíamos ter un día da paz senón paz tódolos días. Lembremos que a paz comeza en nós, está nas nosas mans conseguir un mundo mellor.

Podemos facer  actividades premendo sobre as imaxes.

Actividade lim, en galego e castelán, con dous nives de dificultade.

Xogo do aforcado con palabras sobre a paz.

Sopa de letras sobre a Paz.


Buscamos as 8 diferenzas. Se queremos buscar 6 nestas pombas ...

Crebacabezas da pomba da paz de 9 pezas. Podemos facer máis aquí.




Podemos atopar moitas actividades e recursos sobre a Paz no blogue Tic Tac Chans e tamén nas "webs amigas do Día da Paz" da web do noso cole.

Camiña con nós pola Igualdade

O luns 19 de decembro, os alumnos e alumnas de 4º participamos no obradoiro CAMIÑA CON NÓS POLA IGUALDADE, da Concellería de Medio Ambiente, Igualdade e Xuventude do Concello de Vigo. Viñeron dúas monitoras que nos falaron de “cousas” de rapaces e rapazas e chegamos a conclusión de que todos podemos facer as mesmas cousas, xogar ao mesmo e pedir aos Reis Magos os mesmos xoguetes.

Logo puxéronnos un conto titulado OS HOMES NON CHORAN na pantalla dixital que contaba da historia dun neno. Ensinounos moitas cousas, entre elas que o importante é que podemos chorar todos: nenos e nenas, porque non importa amosar os nosos sentimentos.

Biblioteca Neira Vilas

O mércores, día 14 de decembro, os alumnos e alumnas de 4º A e 4º B visitamos a Biblioteca Neira Vilas de Vigo.

Alí, a bibliotecaria, que se chama Noelia ensinounos todo. É moi grande e non só hai libros, ten un espazo para ler os xornais, outro con ordenadores para buscar información en Internet, outro recuncho ten CDs e DVDs con películas e incluso hai consolas para xogar. Que sorte!

Díxonos que había uns 9.000 libros para tódalas idades e de tódolos temas imaxinables.

Coa súa axuda fixemos un xogo para descubrir uns libros cos que podíamos completar o diario de Cristovo Colón, Foi moi divertido e interesante!

Estamos desexando volver! Moitos xa somos socios. E ti?

Obradoiro Vigozoo

O martes, 13 de decembro, os de 4º participamos nun obradoiro do Zoo de Vigo. Dentro do Programa de Visitas Escolares da Aula Educativa do zoo, achegáronse ao noso centro dous monitores que nos amosaron imaxes  dos animais que teñen alí e faláronnos do traballo que están a facer.

Despois participamos nun xogo no que había que completar tres murais coas fotos de animais ou plantas que nos repartiron. Logo tivemos que colocalas e así aprendemos cousas interesantes das especies autóctonas, exóticas e invasoras.

Estivemos moi atentos porque foi moi interesante. Gustounos moito!