Reciclando con Vigo Recicla

O venres 4 de outubro, os alumnos e alumnas do segundo ciclo, participamos nun obradoiro con VIGO RECICLA, do Concello de Vigo, que trataba da reciclaxe do lixo.

Desde o vehículo equipado cos  contedores das distintas cores, a monitora Noelia explicounos como temos que facer cos distintos materiais de residuos e en que contedor temos que botalos.

Foi participativo porque logo practicamos depositando distintos residuos no contedor axeitado.

Lembráronnos que hai que coidar o noso planeta, e esta é unha forma de facelo.

Ao final houbo agasallos para todos!!! Queremos coidar da Terra!!!

Boas vacacións!

Remata un curso máis e chegan as vacacións de verán. Cando volvamos, o 11 de setembro, uns xa pasaremos ao 3º ciclo e outros seremos de 4º, pero chegarán os compañeiros e compañeiras de 3º.

No verán esperamos as vosas visitas. Non esquezades que podemos ver algunhas imaxes e traballos e repasar facendo actividades das seccións de Mate, Lingua e C. do Medio … ademais de ler xornais, consultar dicionarios, enciclopedias, aprender sobre os animais e acceder a outros blogues do centro.

Gocemos do verán e boas vacacións!

Campaña-taller de aforro da auga

O venres 24 de maio o alumnado do 2º ciclo participou nun taller da Fundación Mapfre que trata dunha campaña de aforro da auga.

Dous educadores ambientais, caracterizados de científicos, por medio dunha presentación lembráronnos que aínda que a maior parte da Terra está cuberta de auga, só unha pequena parte é auga doce e dela, unha pequena cantidade é potable. Isto é o que cea a necesidade da aforrala e que teñamos que facer un uso racional dela.

Na segunda parte do taller fixemos unha actividade de reciclado. Co contido dunha bolsa de lixo, cada un de nós tivo que colocar no contedor correspondente un residuo segundo se puidera reciclar ou desbotar.

Deixáronnos uns cómics onde os protagonistas son os membros da Ecopatrulla e recomendáronnos visitar Educatumundo onde podemos descargar os cómics e ver informacións e vídeos de distintos temas ambientais.

Para rematar os ciéntificos convertéronnos en raperos e cantamos e bailamos por un bo uso da auga. Foi unha boa actividade para concienciarnos no aforro da auga e na necesidade da reciclaxe do lixo.

Correlingua 2013

O alumnado do 1º e 2º ciclo participamos no Correlingua 2013 o martes 15 de maio. Baixo o lema O GALEGO, A CHAVE DO MUNDO, saímos ás 11 da mañá da Praza do Rei para chegar ao Parque de Castrelos despois dunha hora camiñando pola nosa lingua.

Ao chegar merendamos para repoñer forzas, escoitamos as actuacións e bailamos ao son da música de varios grupos participantes. Moito ritmo!

Descubrindo o noso patrimonio inmaterial

O mércores, 24 de abril, o alumnado do segundo ciclo asistimos no Centro Cultural de Novacaixagalicia á actividade didáctico-musical NA PERCURA DO TESOURO, espectáculo presentado pola Asociación Folclórica Gaiteiros da Xistra.

Xurxo, o protagonista da historia,  non cría nas lendas, quere conseguir o tesouro agochado na cova e pensaba que os debuxos nas pedras do monte eran as marcas do mapa dun tesouro.

A través das probas que tivo que ir superando, coa nosa axuda, descúbrenos e achéganos ao noso partimonio inmaterial: lendas, cantigas, refráns, pezas e instrumentos musicais e as sensacións e sentimentos que producen en nós.

Foi moi entretida, estivemos moi atentos e as profes déronnos parabéns polo bo comportamento que amosamos. 

Visitamos o Museo do Mar

O día 17 de abril os nenos e nenas de 3º  visitamos o Museo do Mar de Vigo. Alí  fixemos dous obradoiros, uns estivemos no obradoiro de aparellos de pesca e outros fomos ao obradoiro da conquista do espazo mariño.

No primeiro coñecemos as distintas embarcacións e aparellos e artes de pesca, dende os tempos máis antigos ata agora.

No segundo obradoiro vimos os aparellos e traxes de submarinismo e inmersión, dende os primeiros ata os nosos días, e admiramos o primeiro submarino artellado por Sanxurxo Badía.

Pero o que máis nos gustou a todos, sen dúbida, foi o acuario. Nel vimos unha morea de peixes propios das nosas costas e aprendemos moitas curiosidades.

A verdade é que estivemos moi atentos porque foi moi interesante e os monitores explicáronnos todo moi ben.

Quedamos moi contentos e recomendamos que vaiades a visitalo.

Fomos ao teatro

O  día 20 de febreiro fomos ao teatro de Novacaixagalicia. Estivemos todo o ciclo: os dous cuartos e os dous terceiros. A obra de teatro titulábase “Malas palabras”.

Na obra só aparecía unha actriz que interpretaba a unha nena de dez anos que descubre por casualidade que é unha adoptada. Ao principio enfádase moito cos seus pais pero despois entende que, o que é verdadeiramente importante, é que os seus pais quérena moito e ela a eles.

É unha obra enxeñosa porque aínda que non aparecen máis actores nin actrices, hai outros personaxes representados por obxectos, de súpeto un un floreiro, un libro, un pano … toman vida coa voz e a interpretación da actriz.

É unha obra para pensar nos pais e nos sentimentos.

Gustounos saír ao teatro porque é unha actividade que poucas veces podemos facer e gozar.

Pinga gañadora

Xa hai pinga gañadora! Patricia Gradaílle, de 4º B, deseñou unha simpática pinga que parece moi disposta a camiñar con nós polas rutas do mundo da auga.

Preme na pinga e atoparás un montón de recursos do novo proxecto Pingas en Chans.

Na Biblioteca Neira Vilas

O día 29 de xaneiro os alumnos e alumnas de 3º fomos a biblioteca Neira Vilas. Alí a bibliotecaria Noelia, moi atenta, explicounos como se organizan os libros, o significado das letras e números que aparecen nas etiquetas dos libros e o significado das distintas cores.

Logo fixemos unha actividade, moi lúdica e interesante, buscando  libros agochados polas distintas seccións da biblioteca. Asi aprendemos a forma de buscar e atopar libros para informarnos.

Gustounos moito a visita e xa pensamos en volver axiña para estrear o noso carné e coller algúns dos interesantes libros que alí vimos.

Pola Paz

Un ano máis chega o 30 de xaneiro e no colexio celebraremos o Dia Escolar da Paz e a Non Violencia. Para ter paz todos os días debemos buscala arredor de nós, entre as persoas coas que convivimos: na familia, no colexio, cos amigos... mesturando amizade, respecto, tolerancia e solidariedade. Así será moito máis doado atopar a paz.

Podemos escoitar a canción  que cantaremos no patio no blogue da aula de música  O son de Chans e tamén en Tic Tac Chans onde atoparemos outros recursos sobre a paz. Na páxina web do noso cole tamén podemos atopar un bo número de recursos nas Webs amigas do Día da  Paz.


Facendo clic nas imaxes iremos a outros recursos sobre a Paz.

Parellas, crebacabezas, dereitos dos nenos ...

Letras de cancións, poemas, mensaxes ...



Unidade  didáctica: personaxes, vídeos ...

Actividade Lim.

As árbores da paz. Actividade lim.