Magosto 2019

Xa chega o magosto a Chans, as fogueiras están encendidas e os xogos preparados. Agora a comer e gozar.

LETRAS GALEGAS 2019

Chega o 17 de maio, Día das Letras Galegas, data na que lembramos a un escritor ou escritora que escribiu na nosa lingua ou estivo vinculado a nosa cultura. Neste ano lembramos ao poeta de Manuel Freiría

Nós celebramos as Letras Galegas con moitas actividades: escribimos para a revista A Xanela, participamos no festival, no  sairemos a coñecer o entorno visitando muíños, para despois participar no acto conxunto de todo o colexio no Torreiro, en  Bembrive.

O RESULTADO DESTA SAÍDA O PODEMOS VER NESTAS FOTOS

Saída polo Torreiro 2019

 E este ano nós cantamos!

Entroido 2019 en Chans

E chegou o Entroido, este ano coma non podía ser doutro xeito o disfraz xira en torno ao olimpo,e o alumnado de cuarto nos metimos na pel dos nosos deusoes Athenea y Eros, para o disfrace utilizamos unha saba , e os complementos  elaborámolos todos na  aula . Quedounos xenial!

Samaín

O día 30 de outubro celebramos o Samaín na escola. Os corredores do colexio enchéronse de monstros, arañas, caveiras....Pasámolo DE  MEEEDO!!!

Samaín 2018 en Chans

Mércores 31 de outubro.

Hoxe imos ter unha mañá do máis terrorífica porque ...Chega    SAMAÍN .

E o noso día foi do máis especial , dende 1ºº hora da mañá tivemos obradoiros de maquillaxe terrorífica,merendola de Samaín preparada polo alumnado de 5 anos  e... o entrar do periodo de lecer conto de MEDO, rematamos a mañá elaborando os nosos monstros de emocións dos que falaremos en entrada.

Feliz Samaín.

Pola Paz

Un ano máis chega o 30 de xaneiro e no colexio celebraremos o Dia Escolar da Paz e a Non Violencia. Para ter paz todos os días debemos buscala arredor de nós, entre as persoas coas que convivimos: na familia, no colexio, cos amigos... mesturando amizade, respecto, tolerancia e solidariedade. Así será moito máis doado atopar a paz.

Podemos escoitar a canción  que cantaremos no patio no blogue da aula de música  O son de Chans e tamén en Tic Tac Chans onde atoparemos outros recursos sobre a paz. Na páxina web do noso cole tamén podemos atopar un bo número de recursos nas Webs amigas do Día da  Paz.


Facendo clic nas imaxes iremos a outros recursos sobre a Paz.

Parellas, crebacabezas, dereitos dos nenos ...

Letras de cancións, poemas, mensaxes ...



Unidade  didáctica: personaxes, vídeos ...

Actividade Lim.

As árbores da paz. Actividade lim.

Día da Paz 2012

O vindeiro luns, 30 de xaneiro, celebramos o DÍA DA PAZ. Nesta mesma data tódolos anos nos colexios facemos  distintas actividades e algún acto simbólico conxunto pola Paz.

 Esta data coincide co asasinato do líder indio Mahatma Gandhi o 30 de xaneiro de 1948. Gandhi defendía a loita sen violencia contra a inxustiza, converténdose nun símbolo da paz para o resto do mundo. Seguindo o seu exemplo da “non violencia” non deberíamos ter un día da paz senón paz tódolos días. Lembremos que a paz comeza en nós, está nas nosas mans conseguir un mundo mellor.

Podemos facer  actividades premendo sobre as imaxes.

Actividade lim, en galego e castelán, con dous nives de dificultade.

Xogo do aforcado con palabras sobre a paz.

Sopa de letras sobre a Paz.


Buscamos as 8 diferenzas. Se queremos buscar 6 nestas pombas ...

Crebacabezas da pomba da paz de 9 pezas. Podemos facer máis aquí.




Podemos atopar moitas actividades e recursos sobre a Paz no blogue Tic Tac Chans e tamén nas "webs amigas do Día da Paz" da web do noso cole.

Xa estamos aquí ... empeza o curso 2011-12

Pois remataron as vacacións e xa estamos de volta, aínda qsue algúns xa pasaron a 5º, pero chegamos nós, os de 3º.

Ao longo deste curso que comeza iremos enchendo os distintos recunchos do noso blogue con fotos, vídeos, actividades ...

Botade unha ollada para ir descubrindo as novidades ou para lembrar actividades ou traballos feitos o curso pasado.

Benvidos ao novo curso!

Chegaron as vacacións

Ben, pois remata o curso e chega o tempo de lecer. Durante o verán teremos tempo para descansar, xogar, ir a praia, de vacacións, gozar da lectura … e tamén para repasar un pouco para que non se nos esqueza o que aprendemos durante este curso que remata. Pasado un tempo podemos ir fixando un horario para estas actividades de repaso, cada un de nós segundo as nosas necesidades. Uns necesitaremos repasar máis mate, outros lingua …

Podemos aproveitar estas propostas de actividades para terceiro e para cuarto como guía para as áreas de lingua e matemáticas.

Non debemos esquecernos dunha actividade que debe ser diaria porque con ela gozamos (unhas veces máis e outras menos) e tamén aprendemos un montón de cousas. Non esquezamos a lectura como fonte de información e pracer.

Gocemos do verán, das vacacións e vémonos o 12 de setembro!

Letras Galegas

Chega o 17 de maio, Día das Letras Galegas, data na que lembramos a un escritor ou escritora que escribiu na nosa lingua ou estivo vinculado a nosa cultura. Neste ano lembramos ao poeta de Monforte LOIS PEREIRO.

Nós celebramos as Letras Galegas con moitas actividades: escribimos para a revista A Xanela, participaremos no festival, no Correlingua, sairemos a coñecer o entorno visitando fontes e lavadoiros, para despois participar no acto conxunto de todo o colexio no Torreiro, en  Bembrive.

Na rede podemos informarnos desta importante celebración para a nosa lingua en numerosos enlaces como pode ser o SeminarioGalán, onde ademais podemos facer unha actividade multimedia interactiva sobre Lois Pereiro. Hai tamén actividades para outros ciclos e tamén para Infantil.  A información aparece por etapas_ciclos e este é o vínculo para o noso ciclo. 

Na web da Real Aademia Galega  podemos atopar tamén información sobre a celebración e Lois Pereiro. Tamén neste link hai abundante información e poderemos coñecer o nome e o ano de tódolos homenaxeados-as ata hoxe. 
Na páxina da coordinadora galega de equipos ndl hai abundante información e documentación escrita e audiovisual.
Esta é outra  actividade lim sobre o autor homenaxeado. Unha máis que podemos facer para coñecer un pouco máis a Lois Pereiro.

Para rematar un vídeo da biografía de Lois Pereiro onde tamén escoitaremos unha mostra da súa poesía.

Día da Árbore

Os alumnos e alumnas de 3º celebramos o DÍA DA ÁRBORE o 21 de marzo, xusto coa chegaba da primavera. Participamos nunha plantación na zona do Pouso, nos montes da Entidade Menor de Bembrive, que aportou as plantas autóctonas  (carballos e castiñeiros)  e organizou a actividade xunto cos axentes forestais. Primeiro tivemos unha charla informativa sobre a importancia dos bosques, a necesidade de coidalos e a diversidade de seres vivos que neles habitan.

Logo dirixímonos camiñando ata o Pouso acompañados por axentes forestais, observando  a vexetación existente na zona, xa que é o tema que estamos a estudar no proxecto Achégate a Bembrive. Todos amosamos interese pola actividade e participamos activamente na plantación asesorados polos axentes forestais. Pasámolo moi ben, coñecemos un pouco mellor o noso monte, tivemos agasallos e ... xa pensamos en saír outra vez!

Día da Muller Traballadora

Aínda que o Día da Muller Traballadora foi o pasado martes de Entroido, o 8 de marzo, e como estabamos de festa, hoxe celebrámolo na clase de 3º cunha actividade especial. Achegáronse ao colexio dúas das nosas nais, Ana e Cruz, para falarnos dos seus traballos. A actividade resultou  moi interesante e participativa xa que nos trouxeron diverso material relacionado coas súas profesións. Estivemos moi atentos ás explicacións e interesámonos por distintos aspectos da súa actividade laboral. Podemos ver as imaxes do acto en imaxes-sons.

Entroido 2011

O venres, 4 de marzo, celebramos o Entroido no noso cole e o alumnado do segundo ciclo participou elaborando os seus disfraces relacionándoos co tema que están a traballar dentro do proxecto Achégate a Bembrive . Os nenos e nenas de 3º disfrazáronse de árbores o os de 4º de distintos oficios do lugar. Pasámolo moi ben e achegouse ao cole unha morea de familiares do alumnado que gozou con nós desta tradicional festa. Pinchando en Imaxes-sons podemos ver imaxes do noso ciclo. Para ver máis fotos iremos á web do cole ou tamén en Tic-tac Chans.

Chega o Entroido!



É tempo de Entroido, unha festa moi popular en Galicia e de moita tradición. Nenos e nenas están a preparar o disfrace, ensaiando cancións e bailes, facendo carautas e enatefaces ...

Para saber máis podemos entrar nos contidos do portal educativo da Xunta no Especial Entroido.

Se o que queremos é facer un anteface ou carauta, podemos pinchar no enlace e descargar ou imprimir imaxes que deberemos decorar ao gusto de cada quen.

Outros links onde atopar imaxes poden ser dibujalia e tamén yodibujo onde se poderán imprimir as imaxes ou colorealas en liña. Simplemente con escribir en Google imágenes colorear carnaval teremos un montón de imaxes do Entroido.