Naturnova

Naturnova é un Centro Interactivo de Educación Ambiental, situado en Vigo.Nos o visitamos para coñecer as curiosidades do Universo, do noso planeta e do medio que nos rodea foi dun xeito  lúdico, dinámico e gustounos un montón.

Biblioteca Neira Vilas

Visitamos a biblioteca Neira Vilas .
Este ano faláronnos dás Olimpiadas e para que coñezades un pouco da súa historia e bo mirar este video.

A través de diferentes contos coñecimos a historia das Olimpiadas, tamen aprendimos o que fixeron as primeira mulleres para poder participar en elas así como os diferentes xogos que nelas se practican. Ao finalizar fixemos xogos moi devertidos.

gustonos moito

Polo meu aniversario superpoderes na sala Artika

O alumnado de Chans desde 3º ata 6º de primaria asistimos a sala Artika para ver unha obra titulada "Polo meu aniversario superpoderes"
Ethan, Fiona e William son tan diferentes entre si coma calquera pubescente. A única cousa que teñen en común é o seu aniversario. Van a facer trece anos e acaban de descubrir que os tres teñen superpoderes. Iso é algo xenial! Sempre se necesita a alguén que peotexa o mundo da escuridade dun malvado Señor Supremo que pretende converter o mundo enteiro en xeo.Eles e ela conseguiran salvarnos.

Día das bibliotecas escolares

Este ano fixemos apadriñamentos e amadriñamentos lectores no colexio.
O alumnado de 3ºA asumiron o compromiso de ler  ao alumnado de 4 anos e o de 3ºB ao alumnado de 5 anos.
Así que na hora de ler exercimos o compromiso no parque de Chans. Foi unha experiencia preciosa.

A nosa primeira ruta por Bembrive

Ruta do río Eifonso

Rubicundo

Rubicundo Trata dunha nena chamada Erea que espía ao seu veciño, Rubicundo.
Todas as noites Rubicundo saía na súa bicicleta e ela quería saber a onde iba.Un día cando estaba na cafeteríado seu amigo Darío, chegou o seu veciño Rubicundo,ela decidiu preguntarlle onde ibatodas as noites coa súa bicicleta, pero el non o contou porque era un segredo.
Erea o convence decíndolle que ela garda moi ben os segredos. Entón el cóntalle que é cosedor de ventos,cose os ventos con agullas de cristal e fío de polbo de estrelas.
Rubicundo como xa era moi vello xa non tiña moitos amigos , por iso estaba triste.

Un día que fixo moito vento e a Rubicundo doíalle moito as costas Nerea decidiu ir ela mesma a caser os ventos, Rubicundo dille que teña coidado que non a tire a bicicleta.E desde entón Rubicundo traballa na cafetería e Erea vai coser os ventos e Darío faise actor.

Escrito por Ángela 3ºA

VISITA A UN MUÍÑO E UNHA FORXA

Dentro da Semana da celebración das Letras Galegas, na saída á contorna previa ao acto que celebramos no Torreiro, o 14 de maio os alumnos/as de 4º visitamos o muíño da Pedrosa e a forxa do ferreiro,  o señor Miro, avó dos nosos compañeiros Rubén de 2º e Bruno de 3º.

No muíño da Pedrosa explicáronnos como funcionaba, que utilizaba unha enerxía renovable como é a forza da auga procedente do rio Eifonso.

Na visita á forxa, xunto ao seu domicilio, recibíronnos amosándonos unha exposición cos traballos que fai co ferro. Pasamos logo a forxa onde vimos como quentaba o ferro para moldealo golpeándoo. Algúns compañeiros e compañeiras puidemos probar que non é moi doado.

Ensinounos tamén como facía os mangos para as fouciñas e quedamos abraiados do fácil que resultaba para el facelos no torno, resultado dos moitos anos de traballo.

Tamén nos mostrou como facía o corte das fouciñas, demostrando unha vez máis a habilidade adquirida coas horas de traballo dedicadas ao seu oficio. Nós tamén probamos pero comprobamos que era moi difícil … seguramente porque era a primeira vez que o intentabamos.

Foi unha lección moi interesante para todos nós porque nos permitiu coñecer o traballo dun oficio moi antigo dos que xa quedan poucas persoas que o fagan. Moitas grazas por recibirnos e pola amabilidade mostrada durante a visita.

RESULTOU MOI INTERESANTE !

O ALUMNADO DE 4º EN AQUALIA

Os alumnos e alumnas de 4º visitamos o día 8 de abril a ESTACIÓN DE TRATAMENTO DE AUGA POTABLE (ETAP) situada na rúa Cantabria, na zona de San Xoán do Monte.

Recibiunos e acompañounos ao longo da visita Valle, nai dos nosos compañeiros Ángel de Infantil e Andrés de segundo , que amablemente nos explicou o proceso de tratamento da auga.

Primeiro asistimos a proxección dun vídeo informativo das actividades de Aqualia, pasando logo a facer un percorrido polas instalacións da ETAP. Vimos como chega a auga ás instalacións a través do túnel da Madroa procedentes da presa de Eiras, no río Oitavén.

Logo explicounos o proceso de tratamentos e operacións aos que se somete a auga para a súa potabilización:

• Precloración na arqueta de entrada.
• Decantación de sólidos en suspensión no decantador.
• Filtración a través dos filtros de area.
• Postcloración con cloro gas para conseguir o cloro esixido na auga.
• Almacenamento e posterior distribución.

Máis tarde levounos a unha sala onde espertou a nosa curiosidade polas moitas pezas e aparatos que alí había, e a nosa guía respondeu as nosas preguntas, que foron moitas, con explicacións moi detalladas.

Finalmente rematamos a visita  de forma doce xa que Valle agasallounos cuns caramelos.

FOI UNHA SAÍDA MOI INTERESANTE, GRAZAS A NOSA GUÍA!

Visita do alumnado de 4º a ANFACO

Os alumnos e alumnas de 4º visitamos o MUSEO ANFACO da industria conserveira, os de 4º A o día 24 de marzo e os de 4º B ao día seguinte.

Coa visita fixemos un percorrido a través do tempo xa que vimos dende as primeiras latas ata os modernos envases que se empregan na actualidade. Observamos tamén distintos utensilios e aparellos utilizados para abrir as latas, poñerlles a tapa, esterilizalas ... 

Por medio de distintos paneis amosáronnos a evolución dos traballos nas conserveiras e contemplamos a maqueta dunha fábrica e distinto material relacionado coa industria das conservas.

Lembráronnos tamén que as conservas son alimentos saudables xa que non conteñen conservantes e están elaboradas con produtos naturais, e para probalas fixéronnos un agasallo dunhas latas de atún claro. 

Visita ao Castro de Vigo do alumnado de 4º

O mércores, 27 de novembro, o alumnado de  4º de Primaria visitamos o xacemento arqueolóxico do Castro de Vigo, no monte do Castro, no centro da cidade.

Recibiunos Rubén, o arqueólogo, e diante da maqueta do castro explicounos moitas cousas do poboado e satisfixo a nosa curiosidade respondendo a todas as nosas preguntas, que foron moitas.

Díxonos que os restos escavados forman parte dun gran poboado castrexo que estivo habitado entre os séculos III a.C. e III d.C.

Contounos que vivían da agricultura, da gandería, da recolección de produtos vexetais e dos recursos mariños.

Ensinounos os restos arqueolóxicos reais formados por restos de casas e vimos as réplicas ou recreacións de distintos tipos de vivendas, segundo o uso, ambientadas no século I d.C., fai uns 2.000 anos. Foi o que máis nos gustou e permitiunos imaxinarnos como vivían naquela época.

Merendamos na antiga fortaleza militar, hoxe parque infantil, e gozamos das marabillosas vistas sobre a ría: Rande, a Guía, as Cíes, Toralla ...

FOI UNHA SAÍDA XENIAL !!!

Os de 3º en ANFACO

Os alumnos e alumnas de 3º fixemos una visita ao museo de conservas ANFACO.

Foi unha visita moi interesante na que nos ensinaron:

•    As máquinas empregadas nas fábricas de conservas, das máis antigas ás máis modernas.
• Aparellos empregados para abrir as latas a través do tempo, dende o primeiro abrefácil.
• Fotografías e paneis de distintas conserveiras.

Tamén nos explicaron que as conservas son moi boas para a nosa saúde xa que están feitas con produtos naturais excelentes e sen conservantes.

Ademais regaláronnos unha lata de mexillóns a cada un.

                                                                                            ESTABAN BOÍSIMOS !!!

Correlingua 2013

O alumnado do 1º e 2º ciclo participamos no Correlingua 2013 o martes 15 de maio. Baixo o lema O GALEGO, A CHAVE DO MUNDO, saímos ás 11 da mañá da Praza do Rei para chegar ao Parque de Castrelos despois dunha hora camiñando pola nosa lingua.

Ao chegar merendamos para repoñer forzas, escoitamos as actuacións e bailamos ao son da música de varios grupos participantes. Moito ritmo!

Descubrindo o noso patrimonio inmaterial

O mércores, 24 de abril, o alumnado do segundo ciclo asistimos no Centro Cultural de Novacaixagalicia á actividade didáctico-musical NA PERCURA DO TESOURO, espectáculo presentado pola Asociación Folclórica Gaiteiros da Xistra.

Xurxo, o protagonista da historia,  non cría nas lendas, quere conseguir o tesouro agochado na cova e pensaba que os debuxos nas pedras do monte eran as marcas do mapa dun tesouro.

A través das probas que tivo que ir superando, coa nosa axuda, descúbrenos e achéganos ao noso partimonio inmaterial: lendas, cantigas, refráns, pezas e instrumentos musicais e as sensacións e sentimentos que producen en nós.

Foi moi entretida, estivemos moi atentos e as profes déronnos parabéns polo bo comportamento que amosamos. 

Visitamos o Museo do Mar

O día 17 de abril os nenos e nenas de 3º  visitamos o Museo do Mar de Vigo. Alí  fixemos dous obradoiros, uns estivemos no obradoiro de aparellos de pesca e outros fomos ao obradoiro da conquista do espazo mariño.

No primeiro coñecemos as distintas embarcacións e aparellos e artes de pesca, dende os tempos máis antigos ata agora.

No segundo obradoiro vimos os aparellos e traxes de submarinismo e inmersión, dende os primeiros ata os nosos días, e admiramos o primeiro submarino artellado por Sanxurxo Badía.

Pero o que máis nos gustou a todos, sen dúbida, foi o acuario. Nel vimos unha morea de peixes propios das nosas costas e aprendemos moitas curiosidades.

A verdade é que estivemos moi atentos porque foi moi interesante e os monitores explicáronnos todo moi ben.

Quedamos moi contentos e recomendamos que vaiades a visitalo.

Fomos ao teatro

O  día 20 de febreiro fomos ao teatro de Novacaixagalicia. Estivemos todo o ciclo: os dous cuartos e os dous terceiros. A obra de teatro titulábase “Malas palabras”.

Na obra só aparecía unha actriz que interpretaba a unha nena de dez anos que descubre por casualidade que é unha adoptada. Ao principio enfádase moito cos seus pais pero despois entende que, o que é verdadeiramente importante, é que os seus pais quérena moito e ela a eles.

É unha obra enxeñosa porque aínda que non aparecen máis actores nin actrices, hai outros personaxes representados por obxectos, de súpeto un un floreiro, un libro, un pano … toman vida coa voz e a interpretación da actriz.

É unha obra para pensar nos pais e nos sentimentos.

Gustounos saír ao teatro porque é unha actividade que poucas veces podemos facer e gozar.

Na Biblioteca Neira Vilas

O día 29 de xaneiro os alumnos e alumnas de 3º fomos a biblioteca Neira Vilas. Alí a bibliotecaria Noelia, moi atenta, explicounos como se organizan os libros, o significado das letras e números que aparecen nas etiquetas dos libros e o significado das distintas cores.

Logo fixemos unha actividade, moi lúdica e interesante, buscando  libros agochados polas distintas seccións da biblioteca. Asi aprendemos a forma de buscar e atopar libros para informarnos.

Gustounos moito a visita e xa pensamos en volver axiña para estrear o noso carné e coller algúns dos interesantes libros que alí vimos.

Os de 4º na Fundación Laxeiro

Entrenando co Clube AMFIV

Como se ven facendo nos cursos anteriores, os alumnos/as de 4º fomos ao Pavillón do Carme nas Travesas, o día 18 de abril, para vivir a experiencia do baloncesto en cadeira de rodas.

É un deporte minoritario onde o Clube AMFIV (Asociación de Minusválidos Físicos de Vigo) con moito traballo e sacrificio lograron, fai anos, facer un equipo que está na élite do baloncesto en cadeira de rodas, a nivel nacional e internacional.

Nesta sesión poidemos comprobar na realidade o difícil que é este deporte e,  ao mesmo tempo, o espectacular que pode chegar a ser nos partidos oficiais. Aprendemos as regras particulares que ten este deporte, interesámonos por distintos aspectos do xogo e decatámonos de que aínda que se teña unha deficiencia física, sempre haberá algún deporte que poidamos practicar.

Biblioteca Neira Vilas

O mércores, día 14 de decembro, os alumnos e alumnas de 4º A e 4º B visitamos a Biblioteca Neira Vilas de Vigo.

Alí, a bibliotecaria, que se chama Noelia ensinounos todo. É moi grande e non só hai libros, ten un espazo para ler os xornais, outro con ordenadores para buscar información en Internet, outro recuncho ten CDs e DVDs con películas e incluso hai consolas para xogar. Que sorte!

Díxonos que había uns 9.000 libros para tódalas idades e de tódolos temas imaxinables.

Coa súa axuda fixemos un xogo para descubrir uns libros cos que podíamos completar o diario de Cristovo Colón, Foi moi divertido e interesante!

Estamos desexando volver! Moitos xa somos socios. E ti?

Saída Capela de S. Cibrán - Pouso

Os alumnos e alumnas de 3º estamos a traballar, dentro do proxecto Achégate a Bembrive, sobre a capela de S. Cibarán (3º A) e o Pouso (3º B).  Os primeiros traballos que fixemos foron as follas do almanaque do 2011. Os de 3º A debuxamos a capela na folla do mes de decembro e os de 3º B encargámonos da folla de xullo cun debuxo do Pouso.

Agora traballamos noutras actividades nas que estamos a recoller información sobre os dous lugares. Non podía faltar unha visita para velos con detemento e así o fixemos. Agora xa os coñecemos un pouco mellor  ... pero aínda queremos saber algunha cousa máis  sobre os mesmos. Estamos a traballar!

S. Cibrán - Pouso on PhotoPeach