O albúm ilustrado

O álbum ilustrado. Unha imaxe vale máis que mil palabras

O día 30 de xaneiro tamén se celebrou o día da Ilustración. Como queriamos restarlle importancia a ningunha conmemoración por condidir no tempo, decidimos esperar e celebralo unha semana máis tarde. Pareceunos que a maior expresión da ilustración aparece reflectida nos álbumes ilustrados, polo que decidimos facerlle unha homenaxe.

O Trasno Contacontos enviou invitacións a todas as aulas para visitar unha exposición de Álbumes Ilustrados na biblioteca. Ainda que as profes do equipo de biblioteca xa tiñan escollidos varios títulos dos nosos andeis, o Trasno sorprendeunos traendo outros moitos novos que encheron unha exposición chea de libros de calidade que paga a pena visitar. 

O alumnado colaborador da biblioteca de 4º de Primaria, ademais, decidiu preparar unha presentación sobre o álbum ilustrado e facer un contacontos para todas as aulas que estivesen interesadas en gozar deste xénero que cada vez está máis extendido.

O alumnado de terceiro gozou e aprendeu moito nesta sesión.

Grazas compañeiros e compañeiras.

Dalle a foto e poderás escoitar o conto

Naturnova

Naturnova é un Centro Interactivo de Educación Ambiental, situado en Vigo.Nos o visitamos para coñecer as curiosidades do Universo, do noso planeta e do medio que nos rodea foi dun xeito  lúdico, dinámico e gustounos un montón.

Visita de Dinoseto a nosa escola

Dinoseto visita a escola de Chans e ensínanos a ser máis ecolóxic@s.

Gaia

Hoxe o alumnado de 3º e 4º fomos ao teatro a ver a obra: GAIA.

Gaia é un espectáculo onde a voz e a danza achégannos coñecementos do medio ambiente desde unha óptica imaxinativa. Unha historia en movemento na que a pintura, a música e o audiovisual axúdannos a descubrir a intensidade, o poder e a beleza das características do noso planeta e dos seus tesouros naturais. 

A importancia da interacción entre as persoas e a natureza é a clave desta obra. 

Magosto 2019

Xa chega o magosto a Chans, as fogueiras están encendidas e os xogos preparados. Agora a comer e gozar.

4º reto matemático

A nosa aventura remata saíndo da illa. 

Pero necesitamos luz para iluminar o noso camino de volta a casa. Para creala temos que elaborar  lámpadas por parellas para colocar no noso barco.
Comenzamos a súa elaboración traballando con rectas paralelas e elaborando conos.

E así é como traballamos.

Moitas grazas a María, Nerea e Xoán pola vosa dedicación.

Semana das bibliotecas escolares: "Bibliotecas con encanto"

BIBLIOTECAS CON ENCANTO

Para celebrar o día das Bibliotecas escolares (24 outubro) o Trasno Contacontos enviounos este vídeo das bibliotecas que percorreu durante as vacacións. 

Sabedes cal é a súa Biblioteca favorita?